ALİM Elmi Assosiasiyasının təşkilatçılığı ilə həyata keçirilən “Ucqar Kimya” layihəsi artıq nəzərəçarpacaq nəticələr verməyə başlamışdır. Layihənin əsas məqsədi – ucqar bölgələrdə təhsil alan şagirdlərin elmə çıxış imkanlarını genişləndirmək, praktiki dərslərin keyfiyyətini artırmaq və fədakar müəllimlərin işini dəstəkləməkdir. Bu istiqamətdə atılan addımlardan biri kimi, layihənin qaliblərindən biri – Könül Əsgərova, Şəmkir rayon Kür Qəsəbəsi İ.S.Aznaurov adına tam orta məktəbdə təqdim olunmuş material və maddələrlə ilk praktiki kimya dərsini uğurla təşkil etmişdir.
Bu dərs yalnız adi bir laboratoriya fəaliyyəti deyil, tədrisdə keyfiyyətli dəyişikliyin və elmi yanaşmanın canlı nümunəsi olmuşdur. Təqdim olunan laboratoriya avadanlıqları və kimyəvi maddələrdən peşəkarcasına istifadə edən müəllim, şagirdləri də eksperimentə cəlb etməklə onların fəallığını və marağını əhəmiyyətli dərəcədə artırmışdır.
Fotokolleksiyada yer alan görüntülərdən də aydın görünür ki, şagirdlər praktiki dərs zamanı yalnız müşahidəçi kimi deyil, birbaşa iştirakçı olaraq, öyrənməni təcrübə ilə birləşdirirlər. Bu da onların elmi təfəkkürünün formalaşması və kimyaya marağının artması baxımından son dərəcə dəyərlidir.
Bütün bu uğurlar, Könül müəllimənin təşəbbüskarlığı, peşəkarlığı və elmi təhsilə olan səmimi bağlılığı sayəsindəmümkün olmuşdur. Eyni zamanda bu nəticə, “Ucqar Kimya” layihəsinin ucqar kəndlərdə belə real, davamlı və təsirli dəyişikliklər yarada biləcəyini sübut edir.
Bu təcrübə dərsi – həm müəllim, həm şagird, həm də ümumilikdə kənd məktəbi üçün əlamətdar hadisə olmaqla yanaşı, gələcəkdə layihənin daha geniş miqyasda yayılması üçün də mühüm nümunə rolunu oynayır.
ALİM Elmi Assosiasiyası olaraq bu uğurun arxasında duran bütün dəstəkçilərə, layihənin ərsəyə gəlməsində əməyi keçən heyətə və ən başlıcası, təhsildə fədakarlıq göstərən müəllimlərimizə dərin təşəkkürümüzü bildiririk.
Elm Hər Kəs Üçün: Layihənin Missiyası
“Ucqar Kimya” layihəsi, ucqar kənd məktəblərində laboratoriya şəraiti olmayan, lakin yüksək tədris potensialına sahib müəllimlərə dəstək göstərmək məqsədi ilə həyata keçirilir. Layihə qaliblərinə praktiki kimya dərsləri üçün kimyəvi maddələr və laboratoriya avadanlıqları təqdim edilir.
Məqsəd – təcrübəyə əsaslanan öyrənməni təşviq etmək, şagirdlərdə elmə, təhsilə maraq yaratmaq və elmə bərabər çıxış imkanları təmin etməkdir.
➡️ Layihə haqqında ümumi məlumat
Seçim Prosesi və Ekspert Qiymətləndirməsi
Layihənin qalibləri, peşəkarlıq, ehtiyac səviyyəsi və tədris planlarının keyfiyyəti əsasında, həm yerli, həm də beynəlxalq mütəxəssislərdən ibarət ekspert heyəti tərəfindən qiymətləndirilib.
Seçim prosesi və ekspert heyəti haqqında ətraflı:
➡️ Qaliblər və seçim prosesi haqqında
Gələcək Hədəflər və Dəstəyimiz Davam Edir
ALİM Elmi Assosiasiyası, fədakar müəllimlərimizə və ucqar bölgələrdəki şagirdlərə dəstəyini davam etdirir. “Ucqar Kimya” layihəsi, təhsilin keyfiyyətinin artırılmasına və gələcək alimlərin yetişdirilməsinə yönəlmiş uzunmüddətli sosial missiyadır.
Very good https://is.gd/tpjNyL